गजल

आफ्नो भन्नु यही चुरोट हातमा जल्छ मेरो
यसकै साथमा सुखदुख सँगै चल्छ मेरो

आशा खोज्छु बिहानीमा अनि आगो सल्काउँछु
निराशामा धिपधिप गर्दै खुशी बल्छ मेरो

आकाशको बाटो गरी अग्लिएर उड्छ धुँवा
कालो पर्दा फैलाएर जूनतारा छल्छ मेरो

स्वाट्ट पार्छु फेरि तान्छु आनन्दमा रमाउँछु
अझ तान्ने आकांक्षा यो अनायास गल्छ मेरो

अघिल्तिर बस्छ एष्ट्रे ठुटा थाप्न पर्खिएर
आफैलाई हुत्याएर जिन्दगानी ढल्छ मेरो

-२४जेठ२०६६, कोटेश्वर, काठमाण्डु ।